Madaxweyne ku-xggeenka dowlad Goboleedka Puntland Mudane Cabdixakiin Cabdullaahi Cumar oo maanta qado sharaf u sameeyey xubnaha ka socday Golaha Aqalka sare ee ku sugan magaalada Garowe, ayaa xubnahaasi kala sheekeystay Xaaladda dalka iyo shaqadii ay u tageen halkaasi sida ay u socoto.
Madaxweyne ku-xiggeenka Puntland ayaa sheegay in uu soo dhaweynayo xubnaha Golaha Aqalka sare ka socda ee magaalada Garowe u tagay xal u helida kala aragti duwanaanshiyaha siyaasadeed ee u dhexeeya dowladda Soomaaliya iyo Maamul Goboleedyada.
Mudane Cabdixakiin Cameey Madaxweyne ku-xiggeenka Dawlad Goboleedka Puntland ayaa Xubnaha Golaha Aqalka sare ka socday ku booriyey inaysan ka daalin howsha ay bilaabeen ee ah dhamistirka xalinta is afgaran waaga jira.
“Xubnihiina Golaha Aqalka Sare ee Baarlamaanka Federaalka Soomaaliya ee gaaray dowlad goboleedyada haka daalina in aad howshan Dhamaystirtaan meelaha qaar adeeg waad kala kulmaysaan, balse muujiya dhabar adeeg si waxa jira aad u Xalisaan” ayuu yiri Madaxweyne ku-xiggeenka Puntland
Xubnaha Ka socday Golaha Aqalka Sare ayaa bilaabay Diyaarinta Qoraalka Xog Uruurinta Kulamadii Kala duwnaa ee ay La yeesheen Madaxda Puntland iyo qeybaha kala gedisan ee bulshadda.
