Kulan wada tashi ah oo uu Odayaasha dhaqanka la qaatay madaxweynaha maamul goboleedka Koofur galbeed Soomaaliya ayaa looga hadlay sidii loo dadejinlahaa xulista xildhibaanada baarlamaanka labaad K/galbeed.
Kulankaan ayaa sidoo kale looga arinsaday sidii tirada xildhibaanadda maamulka oo hada ah 149 loo waafajinlahaa tirada ku xusan dastuurka maamulka oo ah 95 xildhibaan.
Madaxweyne C/casiis Xasan Maxamed {Laftagareen} ayaa malaaqyada iyo isimada uu la kulmay kala hadlay ahmiyada ay maamulka u leeyihiin shaqada culus ee odayaasha loo igmaday in ay qabtaan.
Malaaq Deeroow Yacquub Cali Afhayeenka odayaasha dhaqan Koofur galbeed ayaa sheegay in odayaasha dhaqanka iyo madaxweynuhu isku afgarteen dhammaanba qodobadii ay kawada hadleen.
