Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud ayaa talisyada ciidanka qalabka sida ugu baaqay qorista iyo keydinta taariikhda ciidanka qalabkasida, si ay uga faa’iideystaan dhallinta soo koreysa.
Madaxweynaha oo hadal kooban ka jeedinayay mar uu xariga ka jaray Xaruntii Ciidamada Cirka ee Afisyoone oo dib loo howlgeliyay ayaa sheegay in bulshada Soomaaliyeed ay muhiim u tahay inay bartaan taariikhda ciidanka qalabka sida, waxaana uu soo jeediyay in tallaabadaasi ay ku dhaqaaqaan talisyada ciidanka qalabka sida, si ay uga faa’iideystaan dhallinyarada soo koreysa.
“Waxaan bogaadinayaa in la soo nooleeyo taariikhda ciidanka qalabka sida ee Soomaaliya, waxaan rabaa in aan Madaxda ciidanka qeybahooda kala duwan ay u istaagaan qorista taariikhda ciidanka xoogga dalka Soomaaliyeed, waxaana ay taasi aqoon dheeri ah u tehay jiilka soo koraya ee mustaqbalka dalka ah, saraakiisha ciidanka hogaaminaya ee dhallinyarada ah ayay sidoo kale muhiim ugu tahay, waana tallaabo na farxad gelineyso” ayuu yiri Madaxweynaha Jamhuuriyadda Federaalka ah ee Soomaaliya.
