Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud oo ku sugan magaalada Dhuusamareeb ee xarunta Gobolka Galgaduud ayaa xalay halkaasi kulamo gaar gaar ah kula la qaatay odoyaasha dhaqanka iyo siyaasiyiin.
Madaxweyne Xasan ayaa odoyaasha kala hadlay sidii natiijooyin wax ku ool ah ay uga soo bixi lahaayeen shirka dib u heshiisiinta Dhuusamareeb, waxaana uu intaa ku daray Madaxweynuhu in dowladda ay mar waliba garab taagantahay dhaqan gelinta goโaanada dib u heshiisiineed ee ka soo baxa shirka.
Wariyaha Warbaahinta Qaranka ee Gobolka Galgaduud Maxamed-deeq Cabdi Maxamed ayaa ku soo waramay in kulamada uu Madaxweynuhu laaqatay odoyaasha dhaqanka ay ahaayeen kuwa ay saxaafaddu dibad joog ka tahay, balse diiradda lagu saaray sidii loo dar dargelin lahaa dhamestirka shirka dib-u-heshiisiinta ee Dhuusamareeb iyo ka qeyb galka shirka maamul u sameynta gobollada Mudug iyo Galgaduud.
