Madaxweynaha Jamhuuriydda Fedaraalka ah ee Soomaaliya Mudane Xasan Sheekh Maxamuud ayaa sheegay in la magacaabay guddi heer Qaran oo ka shaqeyn doona sidii loo mideynlahaa ciidanka xooga dalka Somoaaliyeed iyo daryeelkooda xili maalinimadii shalay ay ku beegneed Xuska maalintii la aas aasay ciidanka Xoogga Dalka ee 12ka April’.
Madaxweyne Xasan oo shalay khudbad uu kaga hadlayay xuska 55 guurada ciidanka xoogga dalka Soomaaliyeed ayaa xusay in guddigan ay u istaagi doonaan sidii loo mideyn lahaa ciidanka Xoogga dalka, isla markaana ay u noqdaan kuwa
“Ciidanka Xoogga dalka waa ciidan Qaran, deegaankasta ha joogeen waxa ay hoos imaanayaan dowladda Federaalka ah ee Soomaaliya, marka guddigan howlaha ay qabanayaan ayaa ah mideynta ciidanka xoogga dalka,” ayuu yiri Madaxweynaha.
Madaxweynaha ayaa hadalkiisa ku daray: “Wax badan way inoo qabsoomeen dhanka dib u dhiska ciidammadeena, laakiin wax badan ayaa qabyo inaga ah. Ciidankeenu weli waa curdan, ma haystaan agab iyo tababbaro ku filan, waxaadna la socotaan inaan inagoo dagaal ku jirno aan ku guda jirno dhismaha ciidammada. Waxaan idin caddeynayaa in muhimadda koowaad ee dowladda ay tahay dhismaha, tayeynta iyo daryeelka ciidammada Qaranka,”
