Magaalada Garoowe ee xarunta gobolka Nugaal waxaa ka dhaqan galaya wixi ka dambeeya 6:00 maqribnimo bandow oo lagu soo rogay Guud ahaan deegannada Puntland, kaasi oo looga gol leeyahay yaraynta dhaq dhaqaaqa iyo isu socodka bulshada qaybaheeda si looga hortago faafida cudurka Coronavirus oo dunida saamayn ballaaran ku haya .
Dhanka kale Bandowgan ayaa qayb ka ah adkaynta Nabad galyada si aysan bulshada iyo madaxduba u dhibaatayn kooxaha Nabad diidka ahi kaddib qarax loo gaystay Alle ha u naxariistee Guddoomiyihii hore ee Gobalka Nugaal oo u geeriyooday dhaawac ka soo gaaray qarax lala eegtay.
Gudaha Garoowe waxaa wareegayay saacadihi ugu danbeeyay gaadiid bulshada lagu ogaysiinayo inay horay u xaroodaan inta uusan ku dhicin Bandowga Guudi.
Magaalada Garoowe ee xarunta gobolka Nugaal waa caasimadda dowlad goboleedka Puntland, waxaana tani ay muujineysaa in uu dhaqan galay bandowga magaalada lagu soo rogay iyo deegaannada kale ee Puntland.
