Malaaqa Xamar iyo Xamar daye Malaaq Cali Malaaq Maxamed Malaaq Wehliye oo shir jaraa’id ku qabtay Muqdisho oo uu kaga hadlayay xaalada dalka ayaa bogaadiyay dadaallada xukuumada Soomaaliya ay ugu jirto xal u helidda coalada Gaalkacyo, waxaana uu dhankiisa ku baaqay in madaxda Maamulada Puntland iyo Galmudug ay qaataan baaq nabadeed.
Malaaaqa ayaa yiri “Dhiiga walaalaha qubanaya ma fiicna, waxaan bogaadineynaa dadaalada Xukuumadda Soomaaliya ee ku aadan xal u helidda mushkiladda Gaalkacyo oo uu hormuudka ka yahay Wafdiga uu hogaaminayo Ra’iisul wasaraha Soomaaliya Mudane Cumar Cabdirashiid Cali Sharma’arke”.
Malaaqa yaa xusay in dalka uu ka socdo horumar dhinacyo badan la taaban karo, bulshadana looga fadhiyo sidii ay horumarkaas ka qeyb qaataan.
Dhanka kale Malaaqa Cali Malaaq Maxamed Malaaq Wehliye ayaa tilmaamay in hay’adaha samafalka looga baahanyahay in ay tegaan meelaha uu saameeynta ka geystay webiga shabeelle, isla markaana ay gurmad walaaltinimo gaarsiiyaan qoysas uu saameynta ku yeeshay roobabka iyo fatahaada webiga oo isbiirsaday.
