Wasiiru-dowlaha Arrimaha Gudaha ee Dowlad Goboleedka Galmudug Cumar Guureeye ayaa sheegay in dadka ku nool deegaanka Caad ee hoostaga Degmada Xarar Dheere ay sameeyeen kacdoon ka dhan ah maleeshiyada Al-Shabaab kuwaasi oo ka dilay tiro ka mid ah argagixisada Al-Shabaab.
Mudane Cumar Guureeye ย oo wareysi gaar ah siiyay Warbaahinta Qaranka ayaa sheegay in dagaalka uu salku ku hayo kaddib markii dadka deegaanka ay u adkeysan waayeen dhibaatooyinka ay ku hayaan Shabaabku, waxaana lagu dilay dagaalka afar ka mid ah maleeshiyada Al-Shabaab, iyadoo ay jiraan qasaare kale oo loo geystay.
“Maleeshiyaadka Al-Shabaab ayaa baryan waxay bilaabeen inay dadka reer miyiga ah ka dhacaan xoolahooda, kana wataan carruurtooda, dadku inta badan arrintaas ayay ku barakaceen, waxaana todobaadkii la soo dhaafay ay dhaceen geel fara badan oo ay dadka hortooda ku qasheen xoolihii ay ka dhaceen Shabaabku, dhibaatooyinkaas ayaa keentay cararada ka dhalatay dagaalka” ayuu yiri Wasiiru dowlaha arrimaha gudaha ee Galmudug.
Wasiiru-dowlaha Arrimaha Gudaha ee Dowlad Goboleedka Galmudug Cumar Guureeye ayaa xusay in kan maamul ahaan ay gacan ka geysan doonaan sidii bulshada looga dulqaadi lahaa dhibaatada ay ku hayaan argagixisada Al-Shabaab.
Dhageyso Wareysiga oo dhameystiranย
