Deegaanka Miir-dugul oo duleedka koonfureed ee magaalada Dhusamareeb ayaa ciidamada xoogga Dalka qaybta 21aad gaar ahaan Guutada 15aad waxa ay dagaal qorshaysan ku qaadeen maleeshiyaadka Al-Shabaab oo Shacabka ku dhibaataynayey deegaankaas.
Ciidamada Xoogga Dalka qeybta 21-aad gaar ahaan Guutada 15-aad ayaa dagaal qorsheysan waxay ku qaadeen deegaanka Miir-dugul oo duleedka Koonfur kaga beegan magaalada Sama-reeb ee xarunta maamulka Galmudug.
Ciidanka Xoogga ayaa ku baxay maleeshiyaad ka tirsan Al-Shabaab oo dad shacab ah ku dhibaateynaya deegaankaas, halkaas oo ay ka dhaceen dagaal xooggan oo ugu danmbeyn qasbay iney argagixisada isaga cararaan deegaanka.
Ciidamo ka tirsan Guutada 15-aad ee Qaybta 21-aad oo howlgalkan fuliyay ayaa ku sugan aagii lagula dagaallamay, waxaana goobta isaga baxsadey maleeshiyaadka Al-Shabaab sida ay sheegeen saraakiisha hoggaamineysa ciidamadan.
