Xoolo nool oo ay Maleeshiyaadka Al-Shabaab ku xareeyeen Xero ku taala Deegaanka Labi-dulle ayay bambooyin ku dhifteen, kahor inta aysan isaga cararin Deegaankan oo ay Maanta la wareegeen Ciidamada Xoogga Dalka.
Arinta xanuunka leh ayaa aheyd in Goobtaasi ay ku baaba’een Xoolihii Xerada kujiray oo ay Argagixisada Al-Shabaab bambooyin ku gubeen, iyagoo diidan in cid aan iyaga aheyn ay goobta ka kaxeysato.
Sawiro laga soo qaadey goobta ayaa muujinaya xanuunka dhacdadan, taasi oo qayb ka ah naxariis darada joogtada ah ee ummada Soomaaliyeed marqaatiga u tahay maalin walba.
Waxaa Xusid Mudan in Xoolahini oo Ari u badan Maleeshiyaadku horay uga dheceen Dadka Deegaanka, taasi waxa ay Daaha ka sii rogaysaa sida ay uga dhamaatay Naxariistu ayna u yihiin Kuwo Nafta iyo Maalka Shacabka Xalaashada Balse Maalmahaan Ciidamada Xoogga Dalka ee Geesiyaasha ayay kala kulmeen Dharbaaxo Xanuun badan.
Ciidamada xoogga dalka ayaa si buuxda ula wareegay deegaannada ay argagixisada Al-Shabaab dadka ku dhibaateyn jireen.
