Wararka ka imaanaya magaalada Gaalkacyo ee xarunta gobolka Mudug ayaa sheegaya in maleeshiyaad hubeysan ay xalay deegaanno ka tirsan gobolka Mudug ay ku rasaaseeyeen gaari ay saarnaayeen dad shacab ah oo ku safrayay wadada u dhaxeysa Gelinsoor iyo Gaalkacyo,taas oo sababtay Khasaaro kala duwan.
Gaariga la rasaaseeyey ayaa ka yimid deegaanka Gelinsoor ee Gobolka Mudug,waxaana uu kusii jeeday Magaalada Gaalkacyo.
Related posts
Wararka ayaa waxaa ay intaasi ku darayaan in rasaasta gaariga lagu furay uu ku geeriyooday hal ruux halka saddex qof oo kale ay ku dhaawacmeen.
Ilaa iyo hadda macada sababta gaarigaas loo rasaaseeyey iyo dadka ka dambeeyey falkaas,waxaana uu noqonayaa falkii labaad ee muddo todobaad gudihiis ah ka dhaca wadada u dhaxeysa deegaanka Dagaari ee Gobolka Mudug iyo Magaalada Gaalkacyo.
Laamaha ammaanka gobolka Mudug ayaa sheegay in ay wadaan howlgallo lagu baadi goobayo kooxihii ka dambeeyay falkaan foosha xun
