Waaxda Difaaca Maeykanka ee loo yaqaano Pentagon ka ayaa shaacisay in duqeyn diyaaradaha aan cidna wadin ee Mareynkanku ka geysteen koofurta Somaaliya ay ku dileen 150-ka tirsan Maleeshiyaadka Argagaxisada ah ee Al-Shabaab oo ku sugnaa xero tababar oo Shababaku leeyihiin isla markaana abaabulayay weeraro argagixiso.
Mareykanka ayaa lagasoo xigtay in Argagaxisada la duqeeyay ay ku sugnaayeen Xero ciidan oo ku taala degaanka Raaso oo hoostaga Degmada Buula-burte ee Gobolka Hiiraan, wuxuuna degaanka Raaso oo 120-mile dhinaca waqooyi ka xigaa Caasimadda Muqdisho.
Saraakiiil ka tirsan Pentagon ka Mareykanka ayaa xaqiijiyay in laga yaabo tirada dhimashada kooxda Shabaab ay gaari garto ilaa 200-oo maleeshiyo, iyadoo kooxda Argagaxisada ah ee Al-Shabaab qudhoodu ay qirteen in Mareykanku duqeyn la bartilmamaeedsaday.
“Xaflad ayay ku jireen xiliga diyaaradaheena aan duuliyaha lahayn ee (Drones-ka) ay duqeynayeen ,macluumaad aan helnay ayaana ku soconay, waana lagu guuleystay bartilmameedkeena”ayuu yiri Capt. Jeff Davis oo ah Afahyeen u hadlay Waaxda Difaaca Mareykanka.
Boqol iyo Kontonka Maleeshiyo ee Mareykanku sheegay inuu ku dilay duqeyn uu ka fuliyay koofurta Soomaaliya ayaa waxaa soo baxaya in horjoogayaal muhiim u ahaa kooxda Al-Shabaab ay ku jireen kuwa la dilay,inkastoo Mareykanka wali laga sugayo faahfaahin dheeraad ah oo ku saabsan duqeyntaasi.
