War ka soo baxay Taliska ciidamada Mareykanka ee Afrika ee loo yaqaano Africom ayaa lagu sheegay in ay fuliyeen weerar lala beegsaday Al-Shabaab, kaasi oo khsaare loogu geystay maleeshiyadaasi.
Weerarkan xagga cirka ah oo laga fuliyay meel qayaas ahaan 46-KM dhanka Waqooyi Bari kaga began magaalada Kismaayo ayaa Mareykanka sheegey in lagu dilay labo kamid ah argagixisada Al-Shabaab.
Mareykanka ma uusan sheegin shaqsiyaadka la bartilmaameedsaday iyo dadka la dilay, waxaana lagu soo koobay warkooda in 2 kamid ah argagixisada xagjirka ah in lagu dilay duqeyntaasi ay ka fuliyeen duleedka Kismaayo.
Dowladda Mareykanka ayaa sii kordhisay weerarad lagu bartilmaameedsanayo maleeshiyada iyo horjoogayaasha Al-Shabaab,iyagoo kaashanaya ciidanka Kumaandooska Soomaaliya, si loo ciribtiro kooxaha argagixisada.
