Taliska Cidamada Mareykanka Qaarada Africa ee AFRICOM ayaa war ka soosaaray duqeyn diyaaradaha Mareykanka ay ka fuliyeen Gobolka Bari isla markaana ay howl-galkaasi ka qeyb qaateen Ciidamada Kumaandooska Soomaaliya.
War qoraal ah oo kasoo baxay taliska AFRICOM ayaa lagu sheegay in xubno ka tirsan dagaalamayaasha Daacish ee ka howlgala gobolka Bari lagu dilay duqeyn ay fuliyeen diyaaradaha Mareykanka.
AFRICOM waxa ay sidoo kale sheegtay in howlgalka lagu dilay xubnahaas ka tirsanaa Kooxda Argagixisada ah Ee Daacish ay wax ka fuliyeen Ciidamada dowladda Soomaaliya gaar ahaan kuwa sida gaarka ah u taba baran ee Danab.
Seddax ka mid ah maleeshiyada Daacish ayey sheegeen in duqeyntaasi ay ku dileen, sidoo kalana ay ku burburiyeen saldhig Daacish ay ku laheed Gobolka Bari.
AFRICOM masheegin magacyada xubnaha Daacish ka tirsanaa ee ay ku dileen duqeyntaas.
