Ciidanka ammaanka waddanka Masar ayaa gacanta ku dhigay doon ay la socdeen dad tahriibeyaal ah oo cilladowday xilli ay ku sii jeedeen waddanka Talyaaniga.
Idaacadda VOA ayaa sheegtay in gabar Soomaali ah oo lagu magacaabo Deeqo Maxamuud ay ku dhimatay doontaan halka dhammaan muhaajiriintii kale ay gacanta ku dhigeen ciidanka ammaanku oo ay badbaadiyeen.
Dadka la socday doonta ayaa u kala dhashay dalalka Soomaaliya, Eretria, Falastiin iyo Suuriya.
Saraakiisha ammaanka dalka Masar, ayaa sheegay in ay xabsiga dhigeen todobaadkii hore 30, qof oo Soomaali ah kaddib markii la qabtay iyaga oo doonaya in ay u tahariibaan dalkaasi Talyaaniga.
