Dowladda Soomaaliya ayaa mashaariic horumarineed oo danta Guud ka ah ka fulineysa Dagmada Xarardheere oo ka mid ah dagmooyinkii laga dulqaaday Dhibaatadii Khawaarijta
Mashruuca Dhismaha Xarunta Maamulka Dagmada Xarardheere oo ay iska kaashanayaan Dowlad Fadaraalka Soomaaliya iyo tan dowlad Gobaleedka Galmudug isla markaana ay maalgalinayaan Wadamada Norway iyo Swiss Agancy Development ayaa maanta laga dhagax dagmada Xarardheere oo ka mida dagmooyinkii shacabkii ku noolaa laga dulqaaday Dhibaatadii manaxayaasha Arxanka Daran ee Khawaarijta Alshabaab
Mashruucaan oo ay dhagax dhigeen Wasiir ku-xigeenka Wasaaradaha Howlaha guud iyo Arimaha Gudaha Dowlad Gobaleedka Galmudug ayaa waxaa ugu Horeyn ka hadlay Ku simaha Guddoomiyaha Dagmada Xarardheere ahna Guddoomiye ku xigeenka Kowaad ee Maamulka Maxamed Abshir Jiiroow oo sheegay in ay baahi weyn u qabaan Helitaanka Xarun Maamulku ku shaqeeyo ayna uga mahad celinayaan Dowladda Fadaraalka soomaaliyeed Dowlad Gobaleedka Galmudug iyo Dowladaha Maalgalinaya Mashruucaan
Wasiir ku-xigeenka Wasaarada Arimaha Gudaha Galmudug Axmed Cismaan Aadan Qooje ayaa isna sheegay in Galmudug ay xoogga saareeyso Taaba galinta Mashaariicda danta Guud ee ay bulshadu baahida u qabaan sidoo kalana dagmooyinka iyo deegaanada Laga Xoreeyay khawaarijta ay ahmiyad gaara siinayaan
Ugu danbeyna Wasiir ku xigeenka Wasaaradda Howlaha Guud ee Galmudug Khaalid Cabdi Maxamed ayaa sheegay in Dagmada Xarardheere isbadal weyn laga dareemayo shacabkuna ay ka faa’iideeysteen Neecowda Dowladnimo Galmudugna ay ka fulin doonto mashaariic badan Dagmada Xarardheere iyo dagmooyinka la imid ka ah ee tobanaanka sano shacabka ku nool ay dhibaatada ku hayeen Khawaarijta.
