Munaasabad kooban oo lagu daahfurayay Masjid cusub oo laga hirgaliyay xarunta Safaaradda Soomaaliya ee dalka Kenya ayaa waxaa ka qeybgalay mas’uuliyiin ka tirsan dowladdaha Soomaaliya iyo Kenya, diblomaasiyiin, Guddiga Ganacsatada Islii iyo Marti sharaf kale.
Danjire Jabriil Ibraahim Cabdulle ayaa ka mahadceliyay dhismaha Masjidka isaga oo xusay inay ku timid baahi jirto awgeed, loona baahday Masjid weyn oo ay ku cibaadeystaan Madaxda iyo bulshada loogu adeego Safaaradda.
“Runtii xarunta Safaaradda waxaa maalintii adeegyo kala duwan u soo doonto ku dhawaad 200, oo qof, waxaa loo baahday in loo helo masjid ku filan, Ajar Alle haka siiyo Suldaan Xuseen Cali Ibrow oo dhisay Masjidka”. Ayuu yiri Danjire Jabril.
Danjiraha ayaa tilmaamay inay maskasta u taaganyihiin u qidmeynta bulshada Soomaaliyeed ee u soo adeeg doonta Safaaradda.
Danjiraha mar uu ka hadlayay Jaaliyadda ayaa shaaca ka qaaday in door muhiim ah ay ka qataan wax wada qabsiga bulshada Soomaaliyeed iyo umadaha kale ee dalka Kenya ku dhaqan, ayna
Danjire Jabriil Ibraahim Cabdulle ayaa xusay in xiriirka labada dal ee Soomaaliya iyo Kenya uu haatan marayo meeshii ugu sareeysay.
