Mas’uuliyiin ay ka mid yihiin Wasiirka kalluumeysiga Xukuumadda Federaalka Soomaaliya Mudane Axmed Xasan Aadan iyo Taliye ku xigeenka Ciidanka lugta Xoogga dalka Jeneral Cabdullaahi Aden xuseen Cirro ayaa Kormeeray Magaalada Bacaadweyn ee gobolka Mudug oo saaka cadowga laga xoreeyey iyo fariisimaha ciidamadu ka sameysteen banaanada magaalada.
Howlgalka saaka lagu xoreeyey Bacaadweyne iyo Qeycad ayaa lagu dilay ku dhawaad 20 ka tirsan khawaarijta tiro intaa ka badanna way ku dhaawacmeen.
Mas’uuliyiinta oo Warbaahinta Qaranka kula hadlay magaalada Bacaadweyne ayaa sheegay in Khawaarijta khasaare xooggan lagu gaarsiiyey isla markaana aan looga hari doonin meelaha ay ku dhuumaaleysanayaan.
