Wafdi ka tirsan golaha Wasiirada oo shalay gaaray magaalada Jowhar ee xarunta gobolka Hiiraan ayaa ku guda jira howlo kormeer ah oo ay ku sameynayaan halka lagu qabanayo shirka maamul u sameynta gobollada Hiiraan iyo Shabeelaha Dhexe.
Wasiiru-dowlaha Madaxtooyada Qaranka Muane Mahad Maxamed Salaad, Wasiiru dowlaha Wasaaaradda Maaliyadda Mudane Cabdullaahi Maxamed Nuur iyo xubno kale ayaa kulamo la qaatay qeybaha bulshada iyo Maamulka Gobolka, kuwaasi oo diiradda lagu saaray xaaaladda amaan ee magaalada iyo in si diiran loo soo dhaweeyo ergada ka qeyb galaysa shirka Maamul u sameynta labada gobol.
Related posts
Sidoo kale diyaar garowga magaalada ka socota waxaa bar bar socda howlgallo lagu sugayo amniga, waxaana gaaray magaalada ciidamo xoojinaya ammaanka guud ee magaalada, kuwaasoo howlgalo ka sameeyay xaafadaha qaar ee ku dhow dhow shirka.
Magaalada Jowhar ayaa todobaadkan ku jirta diyaar garowgii u dambeeyay ee shirka maamul u sameynta Gobollada Hiiraan iyo Shabeellaha Dhexe, iyadoo ay marti gelin doonto boqolaal ergey, siyaasiyiin iyo musharaxiin u tartamaya xilka madaxtinimo ee maamul u sameynta labada gobol.
