Wasiirka Warfaafinta Koonfurgalbeed ee Soomaaliya mudane Ugaas Xasan Cabdi Maxamed ayaa uga tacsiyadeeyay qoysaskii ay ka geeriyoodeen Wasiiru-dowlaha Amniga Koonfur Galbeed marxuum Cabdiqaadir Cabdiraxmaan Cali iyo Xildhibaan ka tirsna Baarlamaanka Hirshabeelle Marxuum Axmed Cabdi Faarax Kabaweyne oo u geeriyooday qarax lala eegtay gaari ay wateen.
Wasiirka ayaa xusay inay in masuuliyiinta ay qeyb ka ahaayeen wafdi uu maanta hogaaminayay Madaxweynaha Koonfurgalbeed Shariif Xasan Sheekh Aadan, kuwaasi oo kormeer ku tegay garoonka Bali-doogle ee gobolka Shabeelaha Hoose.
“Waxaan sido kale tacsi u diraa maamulka Hirshabeelle, maadaama uu ku baxay gacanta cadowga,” ayuu yiri Wasiirka Warfaafinta Koonfurgalbeed oo hadalkiisa ku daray in Wasiiru dowlaha uu ahaa shaqsi nabadda jecel oo ka shaqeeyay hanaanka xoojinta amniga ee Koonfur Galbeed ee Soomaaliya.
Dhageyso Wareysiga Wasiirka Koonfurgalbeed ee Soomaaliya
