Gudoomiye ku xigeenka maamulka G/Banaadir ee dhinaca Arrimaha Bulshada, gudoomiyayaal degmo, mas’uuliyiin kala duwan iyo dadweyne farabadan ayaa ka qeybgalay munaasabad uu soo qaban qaabiyay maamulka degmada X/weyne islamarkaana lagu xusayay 8-da Febrayo oo ah maalintii la doortay madaxweyne Maxamed C/laahi “Farmaajo” taasoo lagu qabtay xarunta degmada X/weyne.
Boqolaal dadweyne ah oo watay boorar iyo halku dhigyo ay ku muujinayeen waxqabadka madaxweyne Maxamed C/laahi “Farmaajo’ uuna horkacayay gudoomiyaha degmada X/weyne ayaa socod ka soo bilaabay kawaanka kaluunka ee demadaasi, iyagoo isugu tegay xarunta degmadaasi.
Kooxda fanaaniinta xidigaha degmada X/weyne ayaa halkaasi ku soo bandhigay sugaan dhaxal gal ah oo ka tarjumeysa waxqabadka dowladda madaxweyne Farmaajo sanadkii la soo dhaafay. iyadoo xubno ka tirsan bulshada degmadaasi ay halkaasi ka jeediyeen hadallo ay ku taageerayaan waxqabadka dowladda.
Gudoomiyaha degmada X/weyne Cumar Shariif Jeeg ayaa halkaasi ku soo bandhigay waxqabadka Dowladda, isagoo bulshada degmadaasi ka dalbaday iney taageeraan dowladda Federaalka Soomaaliya, wuxuuna hoosta xariiqay in dowladdu muujisay waxqabad la taaban karo muddadii sanadka aheyd ee ay jirtay.
Gudoomiye ku xiegaanka maamulka G/Banaadir Basmo Caamir oo xafladaasi soo xirtay ayaa sheegtay in dowladdu kasbatay taageerada bulshada Soomaaliyeed kaddib markii ay muujisay waxqabad la taaban karo sanadki ay jirtay.
Munaasabadan ayaa ku soo beegmeysi xilli ay maanta ku beegantahay 8-Febrayo oo ah markii markii la doortay madaxweyne Maxamed C/laahi ‘Farmaajo.
