Wasiir ku xigeenka Wasaaradda Caafimaadka Xukuumadda Federaalka Soomaaliya oo ay wehliyaan wasiirada caafimaadka dowlad goboleedyada ayaa maanta kormeeray xarunta hubinta badqabka bulshada ee COVID-19 Isbitaalka Martiini ee magaalada Muqdisho.
Masuuliyiinta ayaa indha indheeyay qeybaha kala duwan ee xarumaha ay booqeen oo ay Dowaladda Soomaaliya hirgalisay kadib markii dhowr kiis oo ku saabsan cudurka halista ah ee Coronavirus laga helay dalka.
Wasiirka ku xigeenka Wasaaradda Caafimaadka Soomaaliya mudane Maxamed Saciid Cabdullahi ayaa tilmaamay in Wasaaradaha caafimaadka maamul goboleedyada looga baahanyahay inay dadaal badan geliyaan si looga diyaar garoobo cudurka safmarka ah ee COVID 19 oo adduunka dhibaato ba’an ku haya.
