Xuska maalinta Africa oo xalay lagu qabtay magaalada Islaamabad ee
Caasimadda Waddanka Bakistaan ayaa waxaa ka qayb galay masuu’liyiin
katirsan Safaaradda Soomaaliyeed ee dalka Bakistaan oo ay kamid yihiin
ku xigeenka u qeybsamaha Ganacsiga Safaaradda Cabdifataax Cabduqaadir
Cismaan, Xog-hayaha Koowaad ee safaaraddda Cabdi Xareed Ibraahim iyo
Uqeybsamaha Waxbarashada iyo dhaqanka Cismaan Cabdullaahi Ducaale, waxaana sidookale goobta xuska joogay qeybaha kala duwan ee bulshada
Soomaalida ee ku nool Balkistaan.
Qaar kamid ah bulshada Soomaaliyeed ee Xuskan ka qaybgalayay ayaa
halkaasi kusoo bandhigay hidaha iyo dhaqanka Soomaalida si lamid ah
bulshooyinka kale Afrikaanka ah waxaana ay si gaarah u muujinayeen
ciyaaraha iyo sugaanta ay caanka ku yihiin dadka Soomaaliyeed.
Mas’uliyiinta ka socday Safaaradda Soomaaliya ee dalka Bakistaan ee
ka qaybfgalay Xuskaan ayaa waxa ay kamid ahaayeen diblamaasiyiin ka
kala socday ilaa 12-safaaradood oo African ah islamarkaana ka howlgala
Bakistaan.
Xuska maalinta Africa oo sanad walba laga xuso Wadanka Bakistaan
taariikhdu marka ay tahay 25-ka May ayaa sanadkan waxaa dib loogu
dhigay markii ay kusoo aaday intii lagu guda jiray bisha Barakeysan ee
Ramadaan waxaana sanad walba lagusoo bandhigaa dhaqanka bulshada
Afrikaanka ah, iyadoo sidookalana la dhiiragaliyo in sare loo qaado
wax wada qabsiga iyo isla jaanqaadida Afrikaanka iyo bulshooyinka ay
la nool yihiin oo ay ugu horeeyaan Bakistaaniyiinta.
