Agaasimaha Caafimaadka Gobolka Banaadir mudane Dr. Cabdiraxmaan Axmed Maxamuud oo ay wehliyaan Mas’uuliyiin ka tirsan Hay’adda Caafimaadka Adduunka ee WHO ayaa kormeer ku tagay Degmada Deyniile.
Ujeedka kormeerka mas’uuliyiinta ayaa ahaa u kuur galidda iyo la socoshada halka uu marayo Talaalka Cudurka Dabeysha ee degmooyinka iyo deegaannada Gobolka Banaadir ka socda.
Agaasimaha Caafimaadka Gobolka Banaadir Dr. Cabdiraxmaan Axmed Maxamuud ayaa howl-wadeennada Caafimaadka Degmada Dayniile kula dardaarmay in ay sii laba-jibaaraan adeeg bixinta Talaalka Dabeysha si loogga hortaggo inuu Carruur badan ku faafo Cudurka Dabeysha.
Waalidiinta ayuu ugu baaqay in carruurtooda geeyaan goobaha talaalka degmooyinka iyo deegaannada Gobolka banaadir.
Degmooyinka Gobolka Banaadir ayaa waxaa ka socda Ololaha Talaalka Cudurka Dabeysha, kaas oo socon doonno ilaa 31-da bishan May, 2023.
