Waaxda Kormeerka iyo Qiimaynta ee Wasaaradda Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya ayaa maanta kulan la yeelatay Hay’ada UNICEF qaybteeda Kormeerka iyo Qiimaynta.
Qodobada ugu muhiimsanaa ee shirka looga hadlay ayaa waxaa ka mid ahaa sidii loo xoojin lahaa wada-shaqeynta labada dhinac, in dib u eegis lagu sameeyo qorshe sanadeedka Hay’ada Unicef ee Wasaaradda Qorshaynta, caqadabadaha jira, iyadoo si qoto dheer looga dooday dib uu eegista barnaamijka guud ee xafiiska UNICEF ee Soomaaliya
Agaasimaha Waaxda Kormeerka iyo Qiimeynta ahna Guddoomiyaha Kormeerka iyo Qiimaynta Qaranka, Mudane Maxamuud Siciid Nuur oo hogaaminayay mas’uuliyiinta Wasaaradda ayaa sharaxay muhiimadda wada shaqaynta iyo midaynta dadaalada Kormeerka iyo Qiimaynta, isagoo sheegay in Dawladdu ay si rasmi u gudan doonto wajiibaadka ka saaran hubinta, kormeerka iyo Qiimaynta dhammaan mashaariicda dalka laga hirgaliyo, waxa uuna xusay in la mideeyeey dhammaan nidaamka Kormeerka iyo Qiimaynta dalka.
