Waxaa gelinkii dambe ee maanta garoonka Diyaaradaha magaalada Muqdisho laga soo dejiyay ilaa 40 maxaabiis ah oo laga keenay Dalka India, kuwaasi oo dhameystay xukun ay horey ugu riday maxakamada ku taala Dalkaasi.
Garoonka diyaaradaha waxaa ku soo dhaweeyey Raโiisul Wasaaraha Soomaaliya mudane Xasan Cali Khayre, Guddoomiye ku-xigeenka 2-aad ee Golaha Shacabka Mahad Cabdalla Cawad iyo masโuuliyiin kale.
Raโiisul Wasaaraha Soomaaliya ayaa sheegay in maxaabiistan ay qeyb ka yihiin maxaabiis horey looga soo daayay ilaa saddex Dal, wuxuuna intaasi ku daray in 70 kale oo ku jira xabsiyada Dalka India dhawaan la keeni doono Soomaaliya.
Guddoomiye ku-xigeenka labaad ee Golaha Shacabka Mudane Mahad Cabdalla Cawad ayaa uga mahadceliyay Xukuumadda Soomaaliya dadaalka ay ku bixinayso sidii loo soo deyn lahaa muwaadiniinta Soomaaliyeed ee ku xir xiran xabsiyada Caalamka.
Dowladda Soomaaliya ayaa horey ugu guuleysatay in ay soo dayso maxaabiis badan oo ku jirtay xabsiyo ku yaala Ethiopia iyo Jaziiradda Seychelles, dalka India ayaa kamid ah wadamada ay ku xir xiran yihiin maxaabiista Soomaaliyeed.
