Guddoomiye ku-xigeenka labaad ee Golaha Shacabka Mudane Cabdullaahi Cumar Abshir (Abshirow) ayaa kulan la qaatay Safiirka Midowga Yurub ee Soomaaliya Marwo Tiina Intelmann.
Guddomiye Abshirow iyo safiirka ayaa ka wada hadlay sidii loo horumarin lahaa Golaha Shacabka ee Baarlamaanka JFS iyo sidii loo tayeyn-lahaa shaqaalaha Baarlamaanka.
Safiir Tiina ayaa ku amaantay Guddoonka Golaha shacabka dedaalka dheer ee ay ku bixiyeen dhismaha Hay’adda ugu sarreysa dalka, kaas oo lagu soo doortay Madaxweynaha JFS.
Ugu dambeyn guddoomiye Abshirow ayaa safiirka ku bogaadiyay dedaalka joogtada ah ee ay Midowga Yurub la garab taagantahay Shacabka iyo dowladda Soomaaliyeed.
