Related posts
Magaalada Beijing ee dalka Shiinaha maanta waxaa ka furmaya Shirka Madasha Iskaashiga Shiinaha iyo Afrika ee (FOCAC) oo ay sanadkan ka qeyb galayaan madaxda 53 dal oo Afrikaan ah.
`
Shirkan ayaa waxaa diirada lagu saarayaa iskaashiga ganacsiga iyo maalgashiga, hiigsiyada cusub ee iskaashiga dhaqaale, iyo dadaallada lagu xoojinayo xiriirka u dhexeeya Shiinaha iyo dalalka Afrika.
Soomaaliya waxay ka mid tahay dalalka lagu casuumay shirkaasi,kaasi oo muhiimad gaar ah uleh iskaashiga ganacsiga,maalgashiga,Xiriirka soo jireenka ah ย iyo kobaca ย dhaqaalaha Labada dal.
Dr. Mahad Maxamed Sheikh Cusmaan oo ka mid ah Aqoonyahana ka falooda arrimaha dhaqaalaha kuna sugan magaalada Beijing oo ka hadlay shirka iskaashiga Shiinaha iyo Afrika ayaa sheegay in faaโidooyin aad u weyn uu u ย leeyahay Afrika guud ahaan gaar ahaan Soomaaliya oo hadda ka soo kabaneyso dagaaladii sokeeye una jiheystay dhanka horumarka.
โFaaโido aad u weyn ayuu u leeyahay Afrika guud ahaan gaar ahaan Soomaaliya oo hadda dagaaladii ka soo kabaneysa horumarna hiigsaneysa,ina lala yeesho xiriir dhaqaale oo dhan walba leh oo laba geesood ah kuna saleysan halbeegga saxda ah ee dhaqaalaha oo ah Comparative Advantage,โ ayuu ku sheegay Dr. Mahad Maxamed Sheikh Cusmaan oo wareysi uu siiyay Radio Muqdisho.
Waxyaabaha ugu waa weyn ee hadda Afrika loo daneynayo ayuu ku sheegay iney tahay meel Kheyraad badan oo dahan uu yaalo,macaadintii,beeraha iyo waliba iney jiraan dalal badan oo Afrika ay ka Kheyraad badan tahay.
Shuceybย Cusmaan Maxamed oo ah Ganacsade Soomaaliyeed oo ku nool dalka Shiinaha ayaa dhankiisa sheegay in Soomaaliya ay ka mid tahay Wadamadii ugu horeeyay ee Bariga Africa ee dalka Shiinaha cilaaqaad diblomasiyadeed yeeshaan,wuxuuna hadalkiisa intaasi ku daray in Dowladda iyo Ganacsatada Shiinaha ay si aad ah u xiiseynayaan iney maalgashadaan Soomaaliya,islamarkaa soo dhoweynayaan iney iskaashi buuxa la yeeshaan.
Shirkaan ayaa wuxuu u dhaxeeyaa Shiinaha iyo Afrika,waxaana intiisa badan diirada lagu saarayaa arrimaha dhaqaalaha Afrika iyo Shiinaha,waxaana lagu casuumay madaxweynayaasha Afrika,qodobada ugu muhiimsan ee la filayo in shirka laga soo saaro waxaa ka mid ah sidii Shiinaha Afrika kaga soo qaadan lahaa Kheyraadka dabiiciga ah (Natural Resources).
