Maxkamadda darajada koowaad ee ciidamada qalabka sida ee Soomaaliya ayaa sheegtay in maxkamaddu ay markale todobaadyada soo socda u fadhiisan doonto dadwac ciqaabeedka loo heysto eedeysanaal la xiriirinayo qaraxi diyaaradda Daalo.
Guddoomiyaha Maxkamadda darajada Koowaad ee ciidanka qalabka sida Gaashaanle dhexe Xasan Cali Shuute ayaa sheegay in dhawaan maxkamadda ay markale dib u fureyso kiiska la xiriira dadka loo heysto falkii lagu qarxiyay diyaaradda Daalo Airline.
Related posts
โIsbuucii la soo dhaafay waxa ay maxkamadda bilowday dhageysta dadka loo heystay kiiskaasi, waxaana maxkamadda ay amar ku bixisay in la keeno caddeymo dheeraad ah, is loo gaaro goโaan cadaaladeed, marka isbuucyada soo socda ayaa markale la bilaabayaa dhageysta kiiskaasโayuu yiri Guddoomiyaha Maxkamadda.
Gaashaanle dhexe Xasan Cali Shuute ayaa xusay xuquuqda maxkamadda ay siiso dadka lagu tuhmayo inay kiisas ku lug leeyihiin, waxana uu shaaciyay in maxkamadda ay markasta ilaalineyso xuquuqda eedeysanaha.
โEedeysanaha waxa uu leeyahay xuquuq dastuuri ah, tan koowaad marka xoriyadda laga qaado oo la xiro, waxa uu xaq u leeyahay in uu qabsado qareen, haddii uusan awoodin waxaa u qabaneyso dowladda, eedeysanaha xuquuqda uu leeyahay waxaa ka mid ah in loo cadeeyo dambiga loo hesto, isna uu xaq u leeyahay in uu iska difaaco oo ay si isku mid ah uga hadlaan kiiska, isaga iyo qareenkiisaโ ayuu hadalkiisa ku daray G/dhexe Xasan Cali Shuute.
