Maxkamada darajada 1aad ee Ciidamada Qalabka sida Qeybta 27aad,Ayaa xukunno kala duwan ku riday Afar eedeysane oo uu xafiiska Xeer ilaalinta Ciidamada Qalabka sida, kusoo kala eedeeyay dilal qorsheysan oo ay dad shacab ah u geeysteen iyo khalqal galinta Amniga.
Dable NISA Bukhaari Axmed Maxamuud iyo Dable Xoogga Dalka Salmaan Ibraahin Shire ayaa lagu xukumey dil toogasho ah , Halka Dubad Axmed Xuseen Cilmi lagu xukumey Seddax sano oo xarig ah,iyadoo Sharmaake Muxumed Cali isna lagu xukumay hal-sano oo xarig ah.
Guddoomiyaha maxkamada darajada 1aad ee Ciidamada Qalabka sida qeybteeda 27aad, Gashaanle Maxamed Amiin Cabdulle Aadan ayaa ku dhawaaqay xukunkaan.
