Maxkamadda darajada koowaad ee ciidamada qalabka sida ee Puntland ayaa xukun dil ah ku fulisay todobo ka tirsan maleeshiyada Al-Shabaab, kadib xukun horey loogu riday.
Guddoomiyaha Maxkamadda Gaashaanle Sare Cawil Axmed Faarax ayaa ku dhawaaqay xukunka dilka ah ee lagu fuliyay todobada ruux ka tirsanaa maleeshiyada Al-Shabaab.
Guddoomiyaha ayaa xusay in Cabaas Ibraahim Aaden oo 26 jir ah, Ibraahim Maxamed Canshuur oo 20 jir ah, Dhaqane Aadan Cabdi Xasan oo 20 jir ah, Aaden Nuur Aaden oo 27 jir ah iyo Nuur Cabdi Aaden oo 22 jir ah laga soo qabtay magaalada Boosaaso ee xarunta Gobolka Bari, halka Cabduqaadir Maxamed Cali iyo Cabdixakiim Xasan laga soo qabtay magaalada Gaalkacyo ee xarunta Gobolka Mudug.
