Maxkamada darajada koowaad ee ciidmada qalabka sida ayaa maanta xukunno kala duwan ku riday dad lagu soo eedayay fal dambiyeedyo la xariira dil, aydoo dhinaca kale maxkamadda cafis u fidiysay dad lagu waayay dambiyadii lagu soo eedeeyay.
Maxkamada ayaa u fadhiisatay dacwad ciqaabeed loo heystay eedeysanayaasha kala ah Dable Isxaaq Maxamed Xaashi, Laba Xidigle Xoogga Muxudiin Maxamuud Calasow, Dable Axmed Cabdi Jaamac, Dable Xoogga Maxamed Jaamac Faarax
Eedeysanayaasha kala ah dable Isxaaq Maxamed Xaashi ayaa Maxkamadda waxa ay ku xakuntay dil toogasho ah, kadib markii lagu helay dambiga ah in uu si bareer ah u dilay Marxuum Ex Dable Xoogga Macalin Aadan Ibraahin Cabdulle la oran jiray taariikhdu markay ahayd 17/09/2015, dambigaasi oo ka dhacay Buulo Mareer ee gobolka Shabeelaha Hoose
Sidoo kale Laba xidigle Xoogga Muxudiin Maxamuud Calasow Ciid ayaa maxkamadu ku xukuntay dil toogasha ah kadib markii isna agu helay dambigii lagu soo oogay ee ahaa dilka uu u geystay Marxuum Saciid Cali Maxamed uu ku dilay bistoolad 21/08/2015, dilkaasi oo ka dhacay degmada Wada jir sida uu shaaciyay Gaashaanle dhexe Xasan Cali Nuur Shuute Guddoomiyaha Maxkamadda sare ee Ciidamada Qalabka sida.
Dhanka kale maxkamada ayaa sii deysay dable Xoogle Axmed Cabdi Jaamac iyo Dable Xoogga Maxamed Jaamac Farax kadib markii lagu waayay kiiskii lagu soo eedeeyay.
Halkan ka dhageyso Xukunka Maxkamadda
