Ciidamada Mareynkanka oo kaashanaya Dowladda Federaalka Soomaaliya ayaa duqeyn ka dhan ah maleeshiyada Al-Shabaab waxay ka fuliyeen deegaanada Buuraleyda Goolis ee Waqooyi bari Soomaaliya.
Duqeynta oo dhacday July 27, 2019,ayaa la xaqiijiyay in lagu dilay mid ka mid ah maleeshiyada Al-Shabaab oo ku sugnaa Buuraleyda Golis,sida lagu sheegay War ka soo baxay Taliska Mareynkanka ee Afrika (Africom).
Sidoo kale, warbixinta ayaa lagu sheegay ineysan jirin wax khasaaro ah oo shacabka ka soo gaaray duqeynta,wuxuuna howlgalkani qeyb ka yahay dadaalada la doonayo in lagu ciribtiro Kooxda argagixisada Al-Shabaab.
