Xubno ka socda Midowga Ardayda Soomiliyeed ee wax ka barata Jaamacadaha Magaalada Nairobi ee Dalka Kenya ayaa kulan kula qaatay Xeryaha Xaqootiga ee Dhadhaab qaar ka mid ah hayโadaha halkaasi ka howl-gala.
Related posts
Ardaydan oo booqasho ugu tagay Ardayda Soomaaliyeed ee wax ka barata Xeryaha Qaxootiga ee Dhadhaab, ayaa madaxda hayโadaha gaar ahaan kuwa qaabbilsan wax barashada kala hadlay sidii kor loogu qaadi lahaa taageerada ay Samafalayaasha iyo QM ka helaan Ardayda Soomaaliyeed ee wax ka barata Xeryaha Dhadhaab.
Booqashada Ardayda ayaa ahayd mid ay ugu kuur galayaan heerka ay gaarsiisan tahay wax barashada Ardayda Soomaaliyeed ee halkaasi ku sugan, iyagoo soo Indha-indheeyay dhammaan Dugsiyada sare ee kuyaala Xeryaha Dhadhaab sida Ifo, Dhagaxlay iyo Xagar-dheer.
Ardayda Jaamacadaha ayaa Walaalahood kale ee wax ka barta Dhadhaab waxay siiyeen wacyigalin ku saabsan waxbarashada sida Ardayda heerka Dugsiga sare ee galaya Jaamcadaha inay hadda kafiirsadaan takhasuskooda, waxanay ku dhiirri geliyeen inay xoogga saaraan hamigooda waxbarasho.
Waxay sidoo kale ku boorriyeen inay u Dhabar adaygaan waxbarashada si ay Dalkooda iyo Naftooda u anfacaan, una adkaystaan marxaladdan Qaxootinimo, iyagoo ugu Taariikeeyay inay laftooda halkan wax kusoo barteen una adkaysteen.
Guddoomiyaha Midowga Ardayda Soomaaliyeed ee Dalka Kenya, Xuseen Baarruud Gaax-nuug iyo xubnaha ku wehliya socdaalka ayaa u mahad celiyay Ergeyga gaarka ee hayโadda Qaxootiga Adduunka UNHCR, u qaabbilsan Soomaaliya,ย Amb; Maxamed Cabdi Afeey, oo Gacan buuxda ka geystay socdaalka Ardaydu ay ku tageen Xeryaha Dhadhaab.
Midowga Ardayda Soomaaliyeed ee Dalkan Kenya ayaa ugu dambayn baaq u jeediyay madaxda Dowlada Federalka Soomaaliya, iyagoo ka codsaday in la taageero waxbarashada Ardayda soomaaliyeed ee wax ka barata Xeryaha Qaxootiga Dhadhaab, si joogta ahna ay ugu war hayaan, qaybna laga siiyo deeqaha waxbarasho ee ay Dowladdu hesho.
Xeryaha Qaxootiga ee Dhadhaab xiligan waxaa ku nool ku dhawaad 210,000 oo Qaxooti ah , kuwaasoo 90% ah Soomaali, halkaasoo ay inta badan Ardayda wax baratana yihiinย Soomaali.
Axmed-nuur Maxamed Cabdullahi (Yogol)
Xeryaha Qaxootiga ee Dhadhaabย Kenya
