Guddoomiye ku-xigeenka Maamulka iyo Maaliyadda Gobolka Banaadir Mudane Ciise Maxamuud Guure, ayaa soo xiray shir uu soo agaasimay Gobolka Banaadir oo ay, isugu yimaadeen qeybaha kala duwan ee rugta ganacsiga, Midowga bangiyada, shirkadaha latalinta ganacsiga iyo xarumaha hal abuurka iyo kobcinta ganacsiga.
Shirkan ayaa u jeedaduusu aheyd:
1. Soo bandhigista Habraaca Diiwaangalinta Ganacsiga iyo Siinta Ruqsadaha oo ah mid qabyo qoraal ah oo maraya heer gaba-gabo ah.
2. in fursad iyo saaxad la siiyo ganacstada iyo shirkadaha la talinta si ay talo ugu biiriyaan habraacaasi uuna u noqdo mid laga wada qaybgalay.
3. in Dawaladda hoose ay muujiso ka go’anaashaheeda la xiiriira horumarinta adeegyada gaar ahaan Shati bixinta soona bandhigto qorshayaasheeda la xiriira.
Ku xigeenka Duqa Magaalada Muqdisho mudane Ciise Guure, ayaa bogaadiyey talooyinka iyo fikradaha ay soo jeediyeen ka qeyb galayaasha shirkan, waxa uuna muujiyey sida ay uga go`an tahay fulinta go`aannada ka soo baxa shirkan ee la xiriira hannaanka diiwaan – galinta iyo ruqsad siinta ganacsiga.
