Magaalada Dhuusamareeb ee Xaruunta Dowlad Goboleedka Galmudug ee bartamaha Dalka ayaa caawa lagu qabtay munaasabad lagu xusayay maalinta cafiska Soomaaliyeed, taasoo qeyb ka ah munaasabado ka dhacay Caasimadda Dalka ee Muqdisho iyo Gobalada Dalka qaarkood.
Munaasabadaan oo ay soo qaban qaabiyeen dhallinyarada Dhuusamareeb ayaa waxaa ka qeyb galay Masโuuliyiin kala duwan oo ka tirsan Galmudug, Saraakiisha laamaha Amniga Gobolka iyo qeybaha kala duwan ee Bulshada Dhuusamareeb..
Related posts
Goobta ayaa waxaa laga jeediyay khudbado kala duwan oo dhamaantood ku qotoma muhiimada ay leedahay 28ka June oo loo asteeyay maalinta cafiska Soomaaliyeed, iyadoo Masโuuliyiintii ka hadlay madasha ay sheegeen in ay tahay maalin ay Xasuusan doonaan bulshada Soomaaliyeed meel kastoo ay ka joogaan Adduunyada.
Intii ay socotay munaasabadaan lagu xusayay maalinta cafiska Soomaaliyeed ee lagu qabtay Caasimadda Galmudug ayaa lagu soo bandhigay Gabayo, hadalo murti leh oo qeexaya dhibaatada ay leedahay Colaadda iyo xumaatada.
Axmed Cabdullahi Axmed, madaxa ololaha cafis ee Galmudug ayaa ka qayb-galayaasha uga mahadceliyay fahamkooda muhiimada maalintan.
Wasiirka Warfaafinta Galmudug Mudane Axmed Shire Falagle oo munaasabadda hadal ka jeediyay ayaa ku booriyay bulshada Galmudug in ay is Cafiyaan ayna meel iska dhigaan wax kasta oo la soo maray.
28 June 2018 ayaa ah maalinta loo Asteeyay ama loo aqoonsaday Cafiska Soomaaaliyeed, iyadoo munaasabado lagu weynaynayo ay ka dhaceen magaalada Muqdisho ee Caasimadda Dalka iyo deegaannada hoos yimaada Maamulada qeybta ka ah Dowladda Federaalka Soomaaliya.
