Munaasabad lagu daah furaayay wabarashada sanad dusiyadeedka 2021 laguna abaalmainayay ardaydii kaalimaha hore ka gashay imtixaanka shahaadiga ah ee dowladda ayaa ka dhacday Degmada Mahadaay ee Gobolka Shabeelaha Dhexe.
Munaasabadani oo lagu daah furayay Waxbarashada sanad dugsiyeedka 2021, laguna abaal marinayay ardaydii kaalimaha hore ka gashay imtixakii shahaadiga dugsiyada sare,ee fasalka afaraad ee Degmada Mahadaay oo ka mid a degmooyinaka gobalka shabeelaha dhexe, ayaa lagu qabtay dusiga Hoose, Dhexe iyo Sare ee Sheekh Maxamed ee degmada Mahadaay.
Xafladani oo ay si wada jir ah u soo Agaasimeen Wasaaradda Waxbarashada Dowlad Gobaleedka Hirshabeelle iyo bahda Waxbarashada ee ka soo jeeda Mahadaay ayaa waxaa ka qeyb galay mas’uuliyiin ka tirsan maamulka Hirshabeelle iyo qaybaha bulshada ku nool magaalada.
Ugu horeeyn waxaa munasabada ka hadlay qaar ka mid ah waalidiintii ka soo qaybgashay xafladda, kuwaasi oo ka hadlay ahmiyadda ay arday u leedahay in loo sameeyo xaflado lagu dhiiri gelimayo, isla markaana dib loo furo xarumihii waxbarashada ee degmada Mahadaay.
Maamulaha isguulka Sheekh Maxamed ee Degmada Mahadaay Maadeey Ciise Casamar ayaa ka sheekeeyay dadaaalka ay ku bixiyaan ardayda iskuulka dhigata, waxaana uu ku booriyay inay ku dadaalaan waxbarashada.
Ugu dambeeyntii waxaa goobta ka hadlay Cabdullaahi Salaax Muudeey oo ka mid ah hawl wadeenada Wasaaradda Waxbarashada ee Dowlad Goboleedka Hirshabeelle iyo Sheekh Abuukar Macalim Xuseen ayaa bogaadiyay ardayda kaalimaha hore ka galay imtixaanka shahaadiga dugsiga sare ee dowladda, waxayna ka codsadeen inay ku dadaalaan horumarinta waxbarashada.
