Munaasbadaan lagu taageerayay Madaxweynaha cusub ee dowlad Goboleedka Galmudug Mudane Cabdikariin Xuseen Guuleed iyo ku-xigeenadiisa oo ay ka qeyb galeen qeybaha kala duwan ee bulashada oo u badanaa ganacsato ayaa lagu qabtay magaalada Juba ee caasimada wadanka Koofurta Sudan.
Xafladda ayaa intii ka hadashay waxa ay sheegeen in ay taageersanyihiin, isla markaana ay soo dhaweynayaan doorashadii dhawaan ka dhacday magaalada Cadaado ee lagu doortay hogaanka maamul guboleedka Galmudug iyo hanaankii wanaagsanaa ee ay ka cayaartay Dowlada Fadaralka ee Soomaaliya gaar ahaan Wasaaradda Arrimaha Gudaha iyo Federaalka ee ah hirgelinta Nidaamka Federaalka ah.
Madaxweynaha Dowlad goboleedka Galmudug Mudane Cabdikariin Xuseen Guuleed oo munaasabadda khadka taleefonka kaga qeyb qaatay ayaa u mahadceliyay dadkii soo qaban qaabiyay iyo sida ay u taageereen, waxaana uu ka codsaday inay ka qeyb qaataan horumarka deegaannada Dowlad goboleedka Galmudug, ayna sameeyeen maalgeshi.
Axmed Lafoole:- Juba South Sudan
