Maxamed Cilmi Afrax “Mideeye” oo ka mid ah musharaxiinta u taagan qabashada xilka madaxtinimada goboladda dhexe ee dalka gaar ahaan Maamulka Gobollada Mudug iyo Galgaduud ayaa si diiran loogu soo dhaweeyay degmada Cadaado ee gobolka Galgaduud.
Munaasabad lagu soo dhaweynayay Maxamed Cilmi Afrax Mideeya oo ay ka qeyb galeen qeybaha kala duwan ee bulshada oo sitay boorar ay ku taageerayaan musharaxa ayaa ka dhacay afaafka hore ee magaalada Cadaado, halkaasi oo si saf mareen ah ugu gacan qaaday intii ka qeyb qaadatay soo dhaweyntiisa.
Sidoo kale soo dhaweynta musharaxa waxaa ka qeyb galay mas’uuliyiin ka tirsan maamulka Gobolka, iyadoo ay la socdeen.
Ugu dambeyntii Musharax Maxamed Cilmi Afrax “Mideeye” ayaa uga mahadceliyay maamulka iyo shacabka ku nool magaalada Cadaado sida diiran ay u soo dhaweeyeen, waxaana uu u balan qaaday in haddii uu ku guuleysto xilka uu u taaganyahay in uu si cadaalad ah ugu adeegi doono dhamaan bulshada Gobollada dhexe,
Maxamed Cilmi Afrax Mideeye ayaa waxaa socdaalkiisa ku wehliyay Xildhibaanno iyo mas’uuliyiin kale.
