Musharax Maxamed Cilmi Afrax Mideeye oo ka mid ah musharaxiinta u taagan xilka Madaxtinimo ee dowlad goboleedka Galmudug ayaa hambalyo ku aadan munaasabadda 1-da luul oo ah 55 guuradii ka soo wareegtay markii Gobollada Koonfureed ay xornimada ka qaateen Gumeystihii Talyaaniga, iyo Israacii gobolada Waqooyi iyo Koonfur.
Musharaxa oo ka qeyb galay xaflad xalay lagu qabtay Cadaado ayaa tilmaamay in Ummadda Soomaaliyeed uu u rajeynayo in sanadkan kiisa xiga ay ku gaaraan horumar iyo baraare, isagoo tilmaamay in haddii uu ku guuleysto xilka uu u taaganyahay in munaasabad ka weyn uu ku qaban doono deegaannada Mudug iyo Galgaduud.
Qaar ka mid ah dadkii goobta ka hadlay ayaa ku dheeraaday ka hadalka maalinta 1-da Luulyo oo ah maalin Ummadda Soomaaliyeed ay qiimo weyn ku leedahay, waxaana ay tilmaameen in ay aad ugu faraxsanyihiin ka qeyb galka xafladda.
