Ciidamada Booliska ee Gobolka Banaadir ayaa maanta muwaadiniin Soomaali ah ku wareejiyay 3 boos oo ku yiillay Degmooyinka Kaaraan iyo Heliwaa, kadib markii muddo dhowr sano ah dhulalkaasi looga heystay sifo aan sharci aheyn,
Ciidamada Booliska ee Gobolka Banaadir, gaar ahaan qeybta Bari oo fulineysa amarka Maxkamadda ayaa burburisay dhismooyin ku yiilllay halkaasi, waxayna boosaskaasi ku wareejiyeen dadkii lahaa.
Related posts
Muuna Xasan Ibraahim oo ka mid aheyd dadkii dib u helay dhulalkaasi ayaa u mahadcelisay dowladda Soomaaliya, gaar ahaan maxkamadda Gobolka , ciidanka Booliska iyo maamulada Degmooyinka Kaaraan iyo Heliwaa.
Taliyaha Qeybta Bari Gaashaanle Macalin Aadan, Taliyaasha labada saldhig ee Kaaraan iyo Heliwaa iyo garsoorayaal ka socday maxkamadda Gobolka Banaadir.ayaa goobjoogayaal ka ahaa burburinta boosaskaasi iyo ku wareejinta dadkii lahaa.
Ma ahan markii ugu horeysay oo muwaadiniin lagu wareejiyo dhulal si sharci darro ah ay u heysteen dad leh dano gaar ah.
