Markabkan oo sida 2,105 ruux oo muwaadiniin Soomaaliyeed ah ayaa ka soo qaaday Dekedda Mukalla ee Waddanka Yemen, iyadoo Ganacsade Soomaaliyeed uu ugu deeqay in lagu soo daad-gureyo dadka Soomaaliyeed ee ku dhibaataysan dalkaasi.
Qoxootigan ayaa u badnaa caruur iyo haween, Waxaana ku jiray Dad Xanuunsan oo markii lasoo dayiyay loo qaaday isbitaallada si loogu daweeyo, Dhanka kale Dekedda waxaa ku sugnaa xilligaas Hay’ado iyo Shirkado Maxalli ah oo dadkan Qoxootiga ah u Qaybinayay Raashin iyo biyo.
Dadkan Qaarkood oo Warbaahinta la Hadlay ayaa Sheegay in ay Dhibaatooyin aad u daran ka jiraan Yemen, kuwaasoo ay ka mid yihiin cunno la’aan, biyo la’aan, dagaallo iyo weliba kuleyl aad u daran.
Mas’uuliyiin ka tirsan maamulka Puntland oo soo dhoweeyey dadkaasi ayaa waxaa Warbaahinta Qaranka la hadlay Guddoomiyaha Gobolka Bari Yusuf Maxamed Wacays Dhado:
“Soo dhawaynta qadarinta iyo Daryelka Muwadininta Soomaaliyed waa mid aan maanta u joojinay hawlihi ka socday Dekadda, haday ahaan lahayd waxa kaso dagaya ama waxa ka dhofaya, waxaanu u diyaarinay goobo muhim ah, waxAanu daryeeleynaa Nolosha qoysaska kaso qaxaya Yemen ee so garaya Boosaaso”.
Wasiirka Dekadaha iyo Gadiidka Badda Puntland Cabdullaahi Jaamac Saalax ayaa isna ka hadlaya sida ay ugu diyaar garoobeen ka maamul ahaan dadkani maanta la keenay Boosaaso
“Markabkani waxa u ka baxay Muqdisho, anaguna Dawlada Dhexe wax xirir ah nalama aysan so samayn waxa la ii sheegay 24 saac ka hor, inuu key soo wajahan yahay Dekada Boosaso, wanu so dhawaynay Shacbka Soomaaliyeed, waxa ay yimaden Dalkoodi, waxaana la dajin doonaa goobo aanu ugu tala galnay dadka soo garay Boosaaso ee ka soo cararaya dagaalada ka socda Yemen”.
