Wasiirka Howlaha Guud ‘ Dib u dhiska iyo Guriyeynta XFS ayaa daahfuray shir lagu ansixinayo Mashruuca Dib u dhiska Wadooyinka Soomaaliya.
Hadaba halkan ka akhriso hadal jeedinta Wasiirka
Hadaljeedinta Wasiirka Howlaha Guud, Dib-u-Dhiska iyo Guriyaynta Xukuumadda Federaalka Soomaaliya, Mudane Xuseen Maxamuud Sheekh Xuseen.
• Ansaxinta Aqoon – is – weedaarsiga
‘Daraasadda, naqshadaynta iyo diyaarinta dukumeentiyada tartanka (Mashruuca Kaabayaasha Wadooyinka Soomaaliya RIP)
09-May-2022
Wakiilada ka socda xafiiska Ra’iisul Wasaaraha, Wasiirada ka tirsan Xukuumadda Federaalka Soomaaliya, ●Wasiirada Howlaha Guud Dib u Dhiska Iyo Guriyaynta ee ka tirsan dawlaha xubnaha ka ah Dawlada Federaalka Soomaaliyeed, hay’adaha gaarka ah, Shirkadda A.I.C ee Talyaaniga ah ee Howl-Wadaag la ah Shirkadda DECSON ee Soomaaliyeed iyo ururada bulshada, waxaan marka hore idin salaamayaa dhammaantiin Salaanta Islamka.
Anigoo ku hadlaya magaca Wasaaradda Howlaha Guud, Dib u dhiska iyo Guryeynta ee Xukuumada Federalka Soomaaliyeed, waxaan bogaadinayaa in ay wasaaradda fulinayso Mashruuca Kaabayaasha dhaqaalaha ee wadooyinka ee uu maalgaliyo Bangiga Horumarinta Africa iyo ansaxinta hawsha dhib-u- dhiska qayb ka mid ah wadooynika Soomaaliya. Hawshaan oo soo martay marxalado kala duwan oo hada maraysa heer gabo gabo ah oo daraasad iyo diyaarinta naqshada jidka iyo dukumintiga tartanka Oo maanta La Ansixinaayo. Si marka kadib looguda galo Howlihii Dhismahaa Wadooyinka Qaar oo Darasadooda iyo Naqshadayntooda lasoo Dhamaystiray.
Waxaa Wasaarad ahaan inoo suuragashay in aan xoojinay wadashaqaynta Bangiga Horumarinta Afrika iyo Wasaaraddaha Hawlaha guud ee dawladaha xubnnaha ka ah Dawlada Federaalka Soomaaliyeed
Intaa waxaa dheer, hirgelinta mashruucan kaabayaasha ee wadooyinka Soomaaliya waxaa suuragaliyay Midowga Yurub, Bangiga Harumarinta Afrika iyo Dowladda Talyaaniga. Anigoo ku hadlaya magaca dhammaan hay’adaha ka faa’iidaystayaasha mashruucaan waxaan leeyahay waa ku mahadsan yihiin in ay ka qayb qaateen dhib-u-dhiska dalka
Bangiga Harumarinta Afrika, Midowga Yurub iyo Dawlada Talyaanigu waxay maalgaliyeen mashruucan. Saxiixa heshiiska maaliyadeed ee u dhexeeya bangiga horumarinta Afrika iyo Midowga Yurub. dib u dhac ku yimid bilawgii mashruuca. Arrinkan hadda waa naga soo dhamaaday. Waxaa si buuxda loo saxiixayaa heshiiska maaliyadeed si loo bilaabo hawsha fulinta ee masshruuca kaabayaasha wadooyinka Soomaaliya.
Ujeedka Mashruucu waxa uu ahaa in la taageero lana horumariyo kobaca dhaqaalaha Soomaaliya, iyadoo loo fududeenayo gaadiidka isticmaalka wadooyinka, Isla markaana la xoojiyo helitaanka adeegyada ay u baahan yihiin dadwaynaa iyo isdhaxgalka bulshada, taas oo xoojin doonto horumarinta dhaqaalaha, bulshada, iyo xasiloonida dalka.
Mashruuca Kaabayaasha wadooyinka waxa uu fududayn doonaa ganacsiga, kobcinta dhaqaalaha iyo horumarka bulshada, kordhinta xidhiidhka dalka iyo deegaanka, yaraynta wakhtiga safarka iyo kharaskha, xoojinta isu socodka iyo barnaamijyada shaqo abuurka, Waxa uu ka qayqaadan doonaa adkaysiga isbedelka cimilada iyo kala duwanaanshaha, iyo dalka in uu gaaro barwaaqo waarta.
Sanadkii la soo dhaafay, waxaa la bixiyay qandaraaska Lot 1&2 oo ay ku guuleesteen shirkada A.I.C. oo Joint Venture la ah shirkada DESCON . sidoo kale waxaa la bixiyay qandaraaska Lot 3&4 oo dib laga ansaxin doono Daraasadda, naqshadaynta iyo diyaarinta dukumeentiyada tartanka ee Mashruuca RIP.
Aqoon-is-weydaarsiga ansixinta maalmaha soo socota waxaa lagu eegi doonaa dhammaan warbixinnada laga soo xigtay wejiga 1aad, hawshan waxaa soo gudbiyay shirkada A.I.C. oo Joint Venture la ah shirkada DESCON. Warbixinnadaan horay ayaa loo soo gabagabeeyay.
Shirkadda la-talinta ayaa noo sharxi doonta warbixinnada daraasadda iyo naqshadeynta la soo jeediyay. Iyadoo laga eegi doono qaabka daahfurnaanshaha ay sameeyeen iyo suurtogalnimada dayactirka/dhismaha waddooyinka Lot1&2.
Gebogebadii, Waxa aan aad ugu mahad celinayaa dhamaan ka soo qaybgalayaasha in ay waqtigooda u soo hureen ka qaybgalka ansaxinta aqoon-is-waadaarsiga mashruuca kaabayaasha wadooyinka Soomaaliya gaar ahaan ansaxinta Daraasadda, naqshadaynta iyo diyaarinta dukumeentiyada tartanka Lot1&2. Waxaan dhamaan idiin rajaynayaa aqoon-is-weydaarsiga ansixinta oo guuleysta.
Aad iyo aad ayaan mar kale idiinkaga mahad celinayaa dareenkiina farxadeed.
