Odayaasha Dhaqanka iyo salaadiinta kasoo jeeda Deegaanada iyo tuulooyinka Xeraale oo maanta kulan ku yeeshay magaaladda Muqdisho ayaa ka hadlay dagaal beeleedyo ka soo cusboonaaday halkaasi, waxayna sheegeen in ay aad uga xunyihiin dagaallada halkaasi ka dhacay maalmihii la soo dhaafay.
Qaar ka mid ah odayaasha Dhaqanka oo kulanka ka hadlay ayaa ku baaqay in si deg deg ah oo aan shuruud ku jirin loo joojiyo dagaaladaasi, isla markaana dadka walaalaha ah ee ay dirirtu u dhaxeyso wax walba ku dhameeyaan wada hadal.
Ugu dambeyn odayaasha dhaqanka ayaa ugu baaqay Maamulka iyo Waxgaradka deegaannada ay dirirtu ka dhacday in ay dhexgalaan walaalaha ay dirirtu u dhaxeyso.
