Wasiiro iyo Xildhibaanno ka tirsan Dowladda Federaalka Soomaaliya ayaa ka qeyb galay munaasabad lagu soo gabagabeenayey Ololaha Sagaalaad ee daaweynta isku furanka oo ay ka faaโiideysteen laba boqol oo bukaan
Wasiiro, Xildhibaanno ka tirsan Aqalka Sare , madaxda Heyโadda PAC, Safiiro, dhakhaatiir iyo marti sharaf kale ayaa ka qeyb galay munaasabadan oo u jeedkeedu ahaa xiritaanka Ololaha Sagaalaad ee daaweynta Isku-furanka Haweenka iyo sagootinta Dhaqaatiirta u dhalatay dalka Sudan ee Isbitaalka Degmadda Dayniile Qaliinada lacag laโaanta ah ugu sameeyay In ka badan Boqol iyo Konton Haween, kuwaas oo la dhibaatoonayey xanuunka Isku-furanka.
Ololaha Sagaalaad ee daaweynta Isku-furanka oo sanadkan hal ku dheg looga dhigay soo celinta dhoolacadeynta haweenka, waxaa iska kaashaday Wasaaradda Caafimaadka iyo heyโadaha PAC iyo UNFPA sida uu munaasabada ka xusay Agaasimaha Heyโadda PAC ee Soomaaliya Cabdullaahi Yuusuf Maxamed, kaas oo dhinaca kale xusay inay sii wadi doonaan howlaha loogu hiilinayo dumarka Soomaaliyeed ee la dhibaatoonaya xanuunka Isku-furanka.
Wakiilka Hey,adda UNFPA ee Soomaaliya iyo Mas’uuliyiinta kale ee madasha ka hadlay ayaa tilmaamay inay sii wadi doonaan xoojinta doorkooda ku aadan ciribtirka xanuunka isku-furanka.
Senator Zamzam Daahir Maxamuud ayaa xustay in ay muhiim tahay In la garab istaago dumarka oo laf dhabar u ah bulshada Soomaaliyeed.
Wasiirka Haweenka iyo Horumarinta Xuquuqda Aadanaha Xaniifa Maxamed Ibraahim ayaa sheegtay in ay muhiim tahay in lasii wado ololaha lagu ciribtirayo xanuunka isku-furanka, lana gaarsiiyo gobolada dalka oo dhan.
Wasiirka Caafimaadka iyo Daryeelka Bulshada Soomaaliya Dr Fowziya Abiikar Nuur oo munasabadda soo xirtay ayaa sheegtay inay ka shaqeyn doonaan sidii tababar loo siin lahaa dhakhaatiirta Soomaaliyeed si ay door weyn uga qaataan ciribtirka xanuunka isku-furanka..
