Wasiirka Arrimaha Gudaha, Federaalka iyo Dib u heshiisiinta XFS ahna guddoomiyaha guddiga qabanqaabada maalmaha xoriyadda ee 26-ka Juunyo iyo 1-da Luulyo mudane Cali Yuusuf Cali– Xoosh ayaa maanta Tiyaaterka Qaranka uga qeybgalay “Ololaha Hooyo u hiili Qaranka.
Wasiirka Arrimaha Gudaha ee Soomaaliya mudane Cali Yuusuf oo ka hadlay munaasabadda ayaa sheegay in maalmahan xoriyadda uu dalkeennu ku jiro la-dagaallanka Khawaarijta, ayna jiraan damac shisheeye, waxa uuna bogaadiyay ciidanka xoogga dalka Soomaaliyeed.
Wasiir Cali Yuusuf Xoosh waxaa uu dhanka kale sheegay in hooyada Soomaaliyeed ay sharfantahay, isaga oo carabka ku dhuftay baahida loo qabo dhiirigelintooda iyo in ay furimaha tagaan.
