Wasaaradda Deegaanka Iyo Isbedelka Cimilada Dowlada Federalka oo kaashanaysa Wasaaradda Deegaanka Galmudug iyo Maamulka Degmada Hobyo ee Gobalka Mudug ayaa maanta ku qabtay Degmada Olole Dhir-beeris oo lagu xusayo Maalinta Deegaanka Aduunka oo ku beegan Maanta .
Wasaaradda oo ka duuleyso Goaankii Madaxwaynaha Dalka Mudane Xasan Sheekh Maxamuud ee ahaa Soomaaliya Cagaaran ayaa olole balaaran oo dhirbeeris ah ka sameeyneysa dhamaan deegaanada Galmudug.
Ololahan Dhir-beerista ee laga sameeyay Dagmada Hobyo oo ay ka qeyb qaateen Masuuliyiinta Maamulka iyo Bulshada Dagmada ayaa waxaa uga warbixiyay Warbaahinta Qaranka Gudoomiyaha Dagmada Hobyo Cismaan Axmed Cabdille waxaana uu sheegay in Dhirtu ay muhiimad gaara u leedahay Deegaanka iyo Cimillada loogana baahan yahay Dhamaan Bulshada ku nool dagmada iyo deegaanada Hoostaga in ay xoogga saaraan ilaalinta Deegaanka kana qeyb qaatan Dadaalka loogu jiro ka hortaga Xaalufinta iyo Jarista Dhirta.
Maamulka iyo Bulshada Dagmada Hobyo ayaa Mudooyinkii u danbeeyayba Horumaro dhanka Dhireynta Deegaanka iyo Ilaalinta Cimilada ka sameeyay Dagmada Hobyo iyo Deegaanno Hoostaga
