War ay soo saartay Xukuumadda Islama Bad ee Pakistan ayaa lagu shaaciyay in dowladd aay qaadayso talaabo ku aadan sidii ay ugu jawaabi lahayd dowladda India oo weerar ka geystay dalkaasi Pakistaan dhawaan,iyadoo beegsanaysa maleeshiyaad ku sugan dalkaasi.
Dowladda India ayaa dhankeeda sheegtay in ay dishay maleeshiyaad badan,hase ahaatee dowladda Pakistan ayaa waxaa ay arinkaasi uga jawaab celisay in uu ahaa fal mas’uuliyad darro ah.
Labadan dowladood oo midkasta haysta hubka Nuclearka ah ayaa khilaafkoodi sii xoogeystay kadib markii dhawaan weerar lagu qaaday fariisinka ciidanka India ee magaalada Kaashmiir,weerarkaasi oo ay shegteen koxda Jaysh Muxamed oo fadhigoodi yahay Pakistaan,taasi oo keentay aargoos ay ku dhaqaaqdo Hindiya.
Tan iyo 1947 oo xoriyaddu ay ka qaateen Britain wadamadaasi,waxaa dhowr jeer dhexmaray dagaal xoogan waxaana ay ku muransanyihiin dhulka Kaashmiir, oo midba meel ka xukuma.
