Munaasabadaan oo ay soo Agaasimeen Maamulka iyo Ardayda Dugsiga hoose dhaxe iyo Sare ee Geeska Afrika isla markaana aheyd mid dhiirigalin loogu sameeynayay Dufcaddii 1aad ee ka baxda dugsiga Sare ee Geeska Afrika kuwaasi oo Waxbarashadooda fasalka koowaad ee dugsiga hoose iyo fasalka 4aad ee dugsiga sare ee Geeska Africa ku qaatay ayaa waxaa ka qeyb masuuliyiin ka tirsan Wasaaradda Waxbarashada Galmudug iyo Maamulka Dagmada Gaalkacyo.
Ugu horeyn Maamulaha iskuulka Shuceyb Macalin Cabdi oo isaga iyo Allaha Unaxariista Maxamed Cabdi Fiimto ay u dileen khawaarijtu maxaa ubadka ugu jiheeyneeysaa jidka toosan ayaa ka warbixiyay ujeedka Munaasabada waxaana uu sheegay in hamigoodii 12 sano ka hor uu mira dhalay ayna ku faraxsan yihiin Maamulkii Macalimiintii iyo waalidiintii intaas usoo samreeysay xaalado kasta oo lasoo marayna maanta la joogo guushii ay rajeynayeen gaaristeeda
Related posts
Duqa Dagmada Gaalkacyo Cabdiraxmaan Sheekh Xasan ayaa ka codsaday Bulshadii ka qeyb gashay munaasabada in ay alle u baryaan Aasaasihii iskuulka oo ay dileen khawaarijta Arxanka daran ee Al shabaab iyagoo diidanaa waxbarida ubadka Soomaaliyeed.
Munaasabada oo intii ay socatay ay ka hadleen waalidiin aqoon yahano sidoo kalana ardayda dugsiga geeska Afrika ay kusoo bandhigeen heerkooda aqooneed taas oo ay ka wada maqsuudeen dhamaan ka qeyb galayaashii munaasabada.
Gudoomiyaha Waxbarashada Gobalka Mudug ee Wasaarada Waxbarashada Galmudug Axmed Jaamac Aadan Qoodeey ayaa sheegay in boqolkiiba todabaatan iskuulada ku yaala Gobalka Mudug ay gacanta ku hayaan Wasaaradaha Waxbarasho ee heer Fadaraal iyo Heer dowlad Gobaleed sidoo kalana ay rajeynayaan in sanadka soo socda ay kasii bataan, isagoo xusay in Dugsiga Hoose dhaxe ee Horn Afrika ama Geeska Afrika uu ka mid noqon doono iskuulada Wasaaraduhu maamulaan maadaama uu ka mid yahay dugsiyada ay ka muuqato tayo aqooneed.
