Madaxweynaha Dowladda Federaalka ah ee Soomaaliya Mudane Xasan Sheekh Maxamuud iyo wafdi uu hogaaminayo ayaa gaaray magaalada Beladweyne ee xarunta gobolka Hiiraan, halkaasi oo ay si diiran ugu soo dhaweeyeen mas’uliyin ka tirsan maamulka Gobolka Hiiraan.
Wafdiga Madaxweynaha Dowladda Federaalka ah ee Soomaaliya ee gaaray Beledweyne ayaa u jeedkooda ahaa sidii loo dhameystiri lahaa heshiis dhawaan ay halkaasi ku gaareen beelo walaalo ah oo ku dagaallamay Beledweyne.
Wariyaha Warbaahinta Qaranka ee gobolka Hiiraan Cabdishakuur Cali Cismaan ayaa ku soo waramaya in Madaxweynaha iyo wafdigiisa ay beledweyne u joogaan inay dhameystiraan heshiiska ay kal hore kala saxiixdeen odoyaasha dhaqanka ee labo beel oo dhawaan halkaasi ku dagaallamay.
